(Од нуркачкиот Дневник на дајвинг.мк)
Октоподите се едни од најинтересните водени животинчиња и за нас е преставува вистинско уживање да се набљудува нивното функционирање. Живеат во голем број води и со нив си се среќаваме најредовно, на скоро секое наше нуркачко патување. Од Хрватска, Грција….. па се до Египет и Тајланд.
Неколку интересни работи што ги научивме и доживеавме за време на нашите нуркачки екскурзии.
Октоподите имаат 3 срца, 9 мозоци и сина крв?!
- Функцијата на двете помали срца е да носат крв до шкргите, а поголемото има улога да ја циркулира крвта до останатите органи од телото. Кога пливаат поголемото срце престанува да им работи. Ова е и причината зошто овие кралски суштества се посклони да ползат отколку да пливаат. Пливањето ги исцрпува.
- Октоподите се со сина крв. Ова е затоа што нивната крв е богата со хемоцијанин, протеин богат со бакар што делува крвта да ја промени бојата во сина. Улогата на оваа бакарна база е да го направи транспортот на кислород поефикасен, што пак им помага без проблем да преживеат во студени води и води со низок процент на кислород.
- Октоподите се со 9 мозоци. Покрај централниот мозок, секој од краците на октоподот си има свое мини мозоче. Две третини од невроните на октопод живеат во неговите краци, а не во главата. Како резултат на ова, краците можат да делуваат независно. Нпр. Со една од краците може да си отвара школки и да си ги спрема за јадење (морските плодови им се омилена храна) , додека со другите делови да прави нешто сосема
- Кога им се приближува некаква опасност, најчесто од некое водено предаторче, за да се заштитат од истото испуштаат мастило. Мастилото има улога да ги заштити и да им даде време да се скријат од опсноста. Тоа е толку силно што кога непријателот ќе влезе во облакот од мастило на истиот му се нарушуваат сетилата за мисрис и вкус, а може и да ги ослепи. Дополнително, оние октоподи кои што нема да успејат да избегаат од сопствениот облак од мастило, може да умрат.
- Нема потреба да се грижите, за луѓето, мастилото од октопод не е штетно. Напротив, содржи соединение кое се вика тирозиназа, и кое што помага при контрола на производството на природниот пигмент меланин. Така да опуштено на вашето следно нуркачко патување. Слободно побарајте ги и уживајте во глетката.